خديت ركن!!!!
خذيت ركن بين لاركان
حبيت انرتب افكاري
تقصدت ننسى اللي كان
وصممت أنعيد اختياري
وقررت نخمد البركان
بكيفي وماهو اضطراري
وحاولت بقدر الامكان
بخطوة انغير مساري
بزغ نور في ليل مدكان
سطع فوق سبح في مداري
#خذيت ركن وبنظرة بعيدة
دققت في اللي جرالي
حطيت لجرحي ضميدة
وغامرت بعتم الليالي
كتبت بحرفي قصيدة
بنبضه عزفت موالي
بنغمة ونوتة جديدة
على وتر حساس عالي
وروح ظلت وحيدة
حزينة مغير ماتبالي
مهجور قلب فاقد وديده
موجوع وجعه يداري
#خديت ركن واتق بروحي
تأملت ما مر بيا
ناوي انداوي جروحي
وما شيّ يعكر عليا
فـ ما مضى انهدت صروحي
إلا اليوم صروحي قوية
فهمت درسها انقدم شروحي
شروح وافية مية المية
طارحتها فازت طروحي
وكل يوم زايد اصراري
خديت ركن!!!!
مريم الورفلي
