(( مقارنه بين الشعر العربي والشعر الشعبي)
لستو أدرى كيف جاء صبرى
نين أحملت ياغالى بلاك
وكيف مضى من سنين عمرى
وكل العمر ياغالى أفداك
ولو سألت نفسك وأنتا تدرى
ماأنروق لا نزها أمفيت أمعاك .
وسلمت لكا كل جوارحى وأمرى
وما أنريد فالدنيا أمفيت أرضاك
وخطيت لكا بقلمى وحبرى
وديما مراسيلى على مرجاك .
فقد أعتليتوا أول حرفى وسطرى
وعندى الدنيا فاضية لولاك
فكل ماكتبت من قولى وشعرى
وأخذ مساحة فية ماننساك
فقد عشقتك يا نسيمى وعطرى
أوراوى أبصوبك نين فاض غلاك
وأن خيم ليلى وطال سهرى
نبقى أبروحى عايشه ذكراك
وفى كل ساعتى ويومى وشهرى
لازم عليا نجبدا مدعاك
أهدى أليك كل وردى وزهرى
وتعرف أللى درتا على سباك
فواللهى ما شى يزيد فى قهرى
ألا أغيابك يا جميل نباك .
( ملاحظة : تمت الكتابة بنطق الشعر )
نظم ..عبدالحفيظ المغربي ..