مش هلومك او اعاتبك
مش هقول الذنب ذنبك
أصله ذنبي وذنب قلبي
إنه امن لك وحبك
اجرحي واتشفي فيا
زيدي قسوه كمان عليا
وادبحي وافدي بضحيه
ياما ضحت لأجل حبك
مش هقولك لا حرام
او ها حاول الانتقام
أصل انا ناقص علام
ما عدش هيفيد الكلام
بعد ما بيقتلني ودك
كنتي ورده زارعها فيا
طرحها كان كله شوك
زرعتها ف قلبي بإديا
طرحت جوايا الشكوك
قتلتي حلم كان جميل
والسلاح صدك وعندك
لا عتاب ولا ملامه
مش هلومك ع الوداع
لا هقولك بالسلامه
والخسارة على اللي باع
لسه هتحسي بندامة
بعد ما يكون كله ضاع
والألم والحزن وانتي
ياما هتعيشوا ف صراع
والحب اللي بنيتوا فيكي
هو نفسه راح يهدك
الشاعر بلبل عثمان
