لبنان يا غالي
لبنان .. عطر الشّوق يا غالي
يا أرض ألله الفيك آمالي
عبّيت بيروحي الحلا تخمين
تا صرت شوفك دوم عا قبالي ؟
حفافيك غمرت دعستي من سنين
وعا دروب أرضك كان موّالي
ما قدرت إنسى عيونك الحلوين
ولا قدرت شيلك يوم من بالي
دبحوك ناسك كيف عملوا هيك ؟
وهنّي اللي ربيوا دهور عا زنديك
نسيوا أيادي صقعوا باللّيل
نسيوا الدّفا نسيوا الوفا بعينيك
باعوك عا نشوة صهيل الخيل
وما همّن دموعك على جفنيك
خنقوك .. كلّ واحد بشدّ بميل
ونسيوا بقايا ترابن بإيديك
لبنان .. يا أرضي وحلم عمري
ما بتركك تا ينطفي جمري
حبّك بقلبي فوق كلّ حساب
وعيدك حنين البنت عا غمري
بعرف وجع قلبك على الأعتاب
شربتو نبيد العيد بخمري
ما تخاف في عندك بعد أخشاب
تبني سفينة نوح يا عمري
وتنقذ شعب عايش بدون بواب
وناطر تطلّ الشّمس مع شي فجر
وتلفح حياتو بنورها الجمري
منى رفيق بولس
