مجلة عــــزفــــ ألــــحــروفـــــ للفكر والثقافة والادب والفن  مجلة  عــــزفــــ ألــــحــروفـــــ للفكر والثقافة والادب  والفن


 

recent

آخر الأخبار

recent
recent
جاري التحميل ...

azef alhroof>عيني تنشد قالت خيرك بقلم الاديب الصالحين الرفروفي

 عيني تنشد قالت خيرك

ساهر ليلك

حار دليلك

من غالي باعد ياويلك.

عيني قالت..
ساهر واسهورك لاتوّا ...
ناويها سهره صبّاحي...
تدوي واتعاود ف الدوَّه ...
باين فكرك ماهو صافي .
سيل اعيونك جاي بقوّه...
ماهوش امخلّي مطراحي.
رعده يرزم داير دوّه ...
ناتو ضارب هدفه ماحي .
برْقهْ يَشْكع يعمي ضوّه...
ورشةْ لحّام وصلاّحي .
غُزَرْ مطر واشبوبه جوّه ...
يفهمها كان اللمّاحي .
بحرك هايج ...
ضبّبْ جوّا...
شن نحكيلك ضاعن ع الشط مراسيلك.
عيني تنشد ....
خير ادموعك بدادة ع الخد انراها....
حازن مانك كاتم لوعك ...
لأنك طايق يوم بلاها .
درته شور اخرب مشروعك ...
لاتنساك ولا تنساها .
اصبر لين اتجي فى طوعك ...
قول ياسر م الجري وراها .
تدلل عرفاته جوعك ...
ليها ول موّال غلاها .
تبكي سكّابات ادموعك...
كاينّه ما حد ضناها .
ضاعف لين اتعد اضلوعك ...
دوخه ركبت فيك بلاها .
وجهك شاحب هدّى رُوعك ...
رفعاتك لوهام وراها .
كذّابه ماهي من نوعك ...
خارب من لوّل مبناها .
مش كل كلام ايقولولك ...
صادق وامرتب معناها .
صكّر ها الباب ونحكيلك...
وانغنيلك ...
عن غالي زارك فى ليلك .
عيني تنشد.
بقلمي
الصالحين الرفروفي
_19_مايو _2024م


عن الكاتب

فراس الفارس

اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

مجلة عــــزفــــ ألــــحــروفـــــ للفكر والثقافة والادب والفن