مانك اللي نزعل عليه بقوّة..
ياللي سكنت فوسط القلب جوّا..
نسيتك خلاص وحبك ياخذ سوّه..
دارها بيديه من قبل مش من توّا..
كان يبيها..
قصة فراق ويزنزن عليها..
خطا وظلم وجرح زايط فيها..
يحساب مافي الكون غيره هوَّ..
شايف روحه
قال أنت اللي خسران هَيْ مربوحة..
أنت اللي كسبان ونا مجروحة..
خليتها عيني في البعد اتّلوّه..
نسيتك عدّي..
أمتى لقيتك ؟ أنت ديما ضدّي..
جو الملاك ماتلعبه ياجدّي..
سدّك قطاف وياسرك مالدّوّه..
مانك اللي نزعل عليه بقوّه..
ياللي سكنت فوسط القلب جوّا..
نسيتك خلاص حبك ياخذ سوّه..
دارها بيديه من قبل مش من توّا..
هند_بن_ناجي
