لا تشغلي حالك علي تحتـــــــــــاري
مالي غلا غيرك عليش تغــــــــاري
لا ما تغيري
يا من شغلتي خاطري وتفكيــــــري
وهايم وراك العقل وين تسيــــــري
ريدي ملكتي القلب كل اســــراري
البستي غرامي ومن خيار حريــري
وسرك كميته عالرفق وأجــــــواري
سكنتي روحي
صوتك شفاء يشفي عميق اجروحي
صرحك تعلى فات فــوق صروحي
شعور المحبة تفيض بيه انهـــــاري
غائب حديثي اليوم يحضر بوحـــي
يا ريت تبقي ساكنة في اشفـــــاري
لا ما تهوني
درتك ضياء ضي وضو عيونـــــي
سكنتي ميامي العين في مكنونـــــي
وطيفك غلاتي دوم جوه انظــــاري
ونبضك رفيقي يا غلا و مرهـــوني
واسمك غرسته ورد بين اسطــاري
ليك سعينا
يا من زرعتي الصوب في عينيـــنا
ومنك شربنا الحن كنتي حنينـــــــــه
درتك غناء للحــــب ليل نهـــــاري
وروحك خفيفة نائرة ورصينــــــــة
عشقتك غلاتي نور ضي ابصـــاري
ولا تشغلي حالك علي تحتـــــــــــاري
مالي غلا غيرك عليش تغــــــــاري
محمد سعد
