عملتي ايه فيا خلتيني أحبك كدا
وأزرع في قلبي جناين من رقتك.
يا أجمل حاجه محتاجه سنين تتوصف
دا انا حتى محتار أن أوصف بسمتك.
عمري إبتدا لما إتهدا قلبي لهواكي
بتحلى حياتي وانسى اهاتي بلمستك.
بنام مشتاق واصحى مشتاق أنا ليكي
وكل منايا أسمع صوتك وضحكتك.
وقولت لقلبي لا أنتا قلبي ولا أعرفك
لو لحظه أنا كنت سبب في دمعتك.
كل العشاق قالوا وعادو عن حبايبهم
بس كل كلامهم نقطة في بحور جنتك.
فرحان بحبي بحمد ربي كتير عليكي
لو إختفت كل العيون يكفيني نظرتك.
إنتي جنة وانا بتمنى مطلعش منك
ولا انحرم من نور عينيكي ونسمتك.
قلمي..
السيد محمد الدالي
