مجلة عــــزفــــ ألــــحــروفـــــ للفكر والثقافة والادب والفن  مجلة  عــــزفــــ ألــــحــروفـــــ للفكر والثقافة والادب  والفن


 

recent

آخر الأخبار

recent
recent
جاري التحميل ...

شوق البحر && بقلم الشاعرة وعد جرجس

شوق البحر
يا بَحرْ يا جبَّار عَ مَدّ النَّظرْ
متلَكْ أنَا مأسورْ دَابحنِي الضَّجَرْ
بالعينْ هالموجَاتْ تتلاطَمْ شَقَىْ
والشَّطْ فيها غرِقْ بالهَمْ انغمَرْ
كَمْ بِيتْ شِعرْ تغزّلوا بسحرَكْ أنِتْ
وكَمْ عاشق تعمّد بروحَكْ مفتكِرْ؟
شكلَكْ حلوْ بتأجِّجْ بصدري الوَلَهْ
بَسْ الأصل غدّار وعناقَكْ خَطَرْ
صَمتكْ مخَبّي بمَوجتُوْ مَليونْ سرْ
زَتُّنْ بحضنَك يَومْ جانِنْ وانتحَرْ
بتشبَهْ حَبيبِي يا بَحرْ متلو مَلَكْ
وبزَرقِةْ عيونو بشوفَكْ منتصرْ
قلّو عَ سرْنَا ان زارَكْ بلحظة سَحَرْ
واروي شفافْ الشَّوقْ عَطشانْ ونَطَرْ
قلّو يجي خيوط السَّنَا رَحْ شَمشْمَا
وبمرْجحَا بكفّي تَيصحَى الفَجرْ
تَتْغَلِغْلِيْ بغيمَاتْ بَردِيْ ياشَمسْ
وتحَمّمِيْ بالنّورْ قلبي المنكِسرْ
وتعبِّيْ وَردْ الزَّنبقْ بصدرِيْ دَفَا
بطَلْتُو وبشروقِكْ روحِي بتنبهرْ
وبغَيبتُو نَارْ الشَّفَقْ تكوِيْ كَوِيْ
ضلوعِيْ وتصرَخْ يا شَمسْ حَنِّ البَحرْ

وعد جرجس وعديات

 


عن الكاتب

فراس الفارس

اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

مجلة عــــزفــــ ألــــحــروفـــــ للفكر والثقافة والادب والفن