✌مفتاح العودة✌
يَمَّه يا ثائر ..
جيب هالمفتاح والحقني
ع باب الدار
وبإيدك لاتنسى تجيب المرشي ..
تنسقي هالزاتونات ..
والليموني لزرعها جدك ..
غاد
قدام البيت ؛ بين الكرم ..
و حقل الغار ..
نفسي ضمها لصدري ضمي
و شيل من زهرها كمشي
وشمّها ولَنو شمّي ..
إعمل لإختك نايفي عقد
يزين عنقها ..
و لخصرها زنّار ..
ع لواه يمي يا ثاير ..
ماتكون نشفت عروقها .. بعد غيبي ..
انشالله يمي
والحجار لشقعهن خالك
فوق سطيحة إم العبد ..
ترا بعدهن ع حالهن
أو شالهم الهوا ..
والريح العتيِّ حملتهم لبعيد ..
وصاروا غبار ...
ع لواه يمي يا ثائر ..
تعود الأيام ونرجع ع دورنا بعد طول غياب ..
وترجع إلنا الدار ..
أي يَمّا يا ثائر ..
مهما حَطّ فينا الدهر ..
وعلينا جار
غدارة الدني يبني ..
بس الزمن دوار ..
#فلسطين_في_القلب
(من دفاتري)✍ن م أ
