لانا نسل خوّان العهود
ولانا نسل بياع الكلام
ولانا نسل اللقاق الجحود
ولانا نسل طياح الأرمام
إحني اجوادمن منسل الجود
وإحني إكرام من منسل إكرام
وإحني عز يسري في العروق
فالجينات من قبل الإفطام
واحني مانبيع كلمتنا فْ سوق
والغير قديم ما نعطوا تمام
هلنا عيت لبّاس الجرود
إسلام عروق من جذر الاسلام
سباقين مانلحق إلحوق
فزّاعين في يوم الطام
إن مد إلحاق ضربتنا تعوق
علي المقصود ماتمر بسلام
اللّي راد روقتنا يروق
معانا يعيش في كل انسجام
من بالخير لافينا يتوق
مرحب بيه بأمان وسلام
إحني الغيث ورعده والبروق
وإحني السيل ومرتع للانعام
و إحني شوق يقتل فيه شوق
الكم وكم من صنف الأنام
واحني فوق دايم دوم فوق
واحنى بالفخر سمونا إزلام
لا إنبيعوا بدفع لا إنبيعوا إطلوق
علي مبداه بو سيف الاسلام
ومن موحال في عهده إنبوق
قول وفعل مسكاً للختام
العنود
الشامخه الأصيلة
