تاعب نفسك ليه
براحتك و بهدوء
خد وقتك عادي
فكر في كلامي
ضيف للعمر اللي راح
من عمرنا كمان السنادي
قربت منك بخطوة ليك
مستتي انا منك تناديني
حابب تفكر بهدوء
خد وقتك عادي
اياك تظن اطلب مشاعر
منك انت ماحستهاش
او اني اغصبك على حلم
بينا قي الخيال يتعاش
فكر بهدوء
خد وقتك عادي
كم راح من عمري قبلك
و كام راح منك قبل ما اقابلك
فيها ايه نلتقي سوى
روح ويا روح
نعيش الجوى
ولا احنا مكتوب علينا
نعيش تبكي عينينا
نعيش مجروحين ولا نعرف
طعم الدوا و لا نتنسم هوى
فكر بهدوء....
خد وقتك عادي
يضيع كمان من عمرنا السنادي
نبضات يكتبها
حسن سعيد مرسي
