إياك تحن ليهم
إياك تحن ليهم ياقلبي تاني
وتخون عهدي معاك ثواني
وكفايه اللي جرالك وجرالي
وعن حبايبي وحبايبك داري ياقلبي
ولهواهم جواك لازم تخبي
ولو دق الهوي بابك
وميت موال غنالك
إياك تفتحله الباب
حتي لو بكوا الأحباب
كفايه حيره وغيره وعتاب
تعبنا من كتر العذاب
واوعاك تنسي ياقلبي
لما كنا بنشكي من الغياب
وليالي بنبكي من الأوجاع
والعمر اللي بين الهجر والخصام ضاع
ياما وعدونا بالحنيه وجرحونا
ولما نسامحهم كانوا تاني يهجرونا
وهان عليهم يشوفوا دموعنا
ما مسحوا يوم عيونا
كنا صاينين هواهم جوانا
وهما قاسيين بايعيين هوانا
لاوفوا بالوعود ولا صانوا العهود
وشوفنا في هواهم هوان ماله حدود
وبعد ماداوينا ياقلبي جراحنا
جايين وطالبيين تاني رجعوعنا
تعالي ننساهم ولو غصب عننا
مش عايزين هواهم تاني يقرب مننا
خواطر
اشرف الدغيدي
