ما اتقولش شي
اسكت وخلليه الكلام عليْ 
... بعد جيّتك ....
بجيتك فرحان ....
انغني مواويل الغلا طربان .
في غيبتك انمشّي الليل أحزان ...
طاير النوم وما ايبيش ايجي.
وحتى نهاري فيه كالسكران ...
شارد وما نفهم ولا في شي .
**********
اسكت ونا بنخبّر ....
بنحكي على افراقك ابشوق انعبر ...
يا حب عمري ماعرفت اندبر...
ولا ألقيت من يملأ مكانك شي .
نكذب علي قلبي وفيه انصبّر ...
صبح وعشيه انقول توا ايجي .
تذكّر امنين كنا ايام زمان ...
انغيّب دقيقه اتقول حيه علي .
***********
خيرك معادش جيت ...
ولا درت هاتف يوم لا طلّيت .
القيته مع غيري زهاك ازهيت ...
واني اللي واهم احسبتك لي ...
واشربت من نبعه خلاص ارويت .
منعك العابر من اوصولك لي .
وانته اللي عارف غلايا ليك ...
انته غلاي وما مثيلك شي .
بقلمي
الصالحين الرفروفي
11__11__2023م