لا ياحبيبي لا
ياحبيبي إيه غيرك وليه تقسي عليا
وليه بتزود عذآبي بخصامك وهجرك ليا
وانت عارف إنك حبيبي ومش بتهون عليا
بلاش تخلي الأيام تغدر بيك وبيا
وبعد ماكان حبنا وهوانا مدفي عشنا
وكان غرامنا مابتخلصه الليالي مننا
لا ياحبيبي لا خلي حنانك عليا زي زمان
ماتخليش حبنا يتأثر بأي شيء كان
وافتكر وانت مخاصمني قد إيه إديتك حنان
هتلاقي قلبك دق ليا تاني وناداني ووعدني بالأمان
ياحبيبي نسيت ليالينا وعشقنا كان حلو قد إيه
وياما الليل كان بيخلص مننا واحنا تايهين مش داريين بيه
ماتخليش الخصام يعلمنا الجفا ويعودنا عليه
تعالي نخلي العتاب والسماح ينسينا الخصام كان ليه
ماتخليش عيني تبكي دمعه واحده وتاخد علي خاطرها منك
وتفضل فكراها ليك وهيا عمرها ماشافت ولا حبت حد قبلك
سامحني ياحبيبي وانسي الخصام أنا خلاص سامحتك
واوعدني مفيش خصام بينا تاني
يامالك قلبي وعقلي وروحي وخيالي
ولو زعلت يوم مني قوللي علي طول اصالحك
واوعدك بالهنا والسعاده والحنيه
ده خصامك يادوب يومين ماتعرفش عملوا إيه فيا
تعالي نخلي الطيور تغني والزهور والورود تفتح تاني من فرحتهم بيك وبيا
خواطر..
أشرف الدغيدي