الحب الكبير
جاني الحب الكبير
اللي مستنيه سنين كتير
وجاني من غير مواعيد
وفي يوم وليله خلاني إنسان جديد
شايف بعنيا الكون سعيد
جمال حبيبتي ولا في الخيال
وحسنها يتغناله ميت موال
بعتتلي نظرة حنيه ومعاها سلام
ومن شفايفها كان احلي كلام
وابتسامه كانت نغم والحان
وعيون قالت لدقات قلبي كنت فين من زمان
وروحي قالت ياما شوفتك في المنام
ياما حلمت بيكي وانتي بين إيديا
ضامك في حضني والفرحه دموع في عنيا
وبعيد عن حضنك مستحيل انام
وأنا وانتي عايشين في أحلام
في جنه حلاوتها ولا في الخيال
القمر منور دنيتنا
والنجوم شموع في بيتنا
هفضل شايلك في نن عيني
ومن هوا النسيم بخاف عليكي
واغير من عيون كل اللي حواليكي
نسهر الليل كله حب وغرام
والقمر معانا سهران
ومن حبنا وهوانا غيران
والبلابل بتغرد علي الأغصان
وتغني اناشيد حب وحنان
والورد مفتح لهوانا في كل بستان
خواطر
اشرف الدغيدي
