من يوم ما عرفتك
طار النوم من عيوني
ولك ياريت ما شفتك
ولا خبيتك ورا جفوني
كنت هلق مرتاح
مافي حد شاغلني
حبيتك وعقلي طار
مابعرف بي شو صار
إن غبتِ اشتقتلك
وإن جيتِ قتلتيني
والله يا قمري
طال سهري
عمري ضاع
وانا ناطر
ولك ايمته رح ترجعي
قلبي ماعاد ع الصبر قادر
كل يوم بقول
رح تبان
انطر وانطر
حتى يغيب الظلام
حط راسي لحتى نام
ما اقدر لاني زعلان
وعم فكر فيكِ
ارجع تاني قوم
وقول معليش
عليها بالي مشغول
حطلها الف عذر
حتى قلبي يرتاح
معليش
أنا حبيتك
بعرف
لو كنت عارف
الحب هيك
كنت عن دربه
ابتعدت
وحطيت الف قفل
على قلبي وسكرت
وخليت الحب
أنساه وينساني
بقلمي
د.محمد الصواف
١٢ / ٧ / ٢٠٢٤
